Жолт Сакалаш, подпредсидатель Покраїнскей влади и покраїнски секретар за образованє, предписаня, управу и национални меншини – национални заєднїци

Жолт Сакалаш народзени 1984. року у Новим Садзе. Ґимназию „Светозар Маркович” закончел на мадярским язику у родним городзе, дзе закончел и Правни факултет.

Под час студийох и по їх законченю усовершовал ше на факултетох у Нємецкей (Campus Europae) и у Мадярскей. Званє дипломованого правнїка здобул 2008. року, а 2010. закончел мастер студиї и бул добитнїк Окремней награди за витворени успих под час студираня на Универзитету у Новим Садзе. За стипендисту Бундестаґу (ИПС) є вибрани 2011. року.

Роботне искуство здобувал у Општинским суду у Новим Садзе, у свойстве судийного приправнїка – волонтера, а потим од 2009. року, з кратшима павзами, у покраїнскей администрациї. Од 2016. року є подсекретар Покраїнского секретарияту за образованє, предписаня, управу и национални меншини – национални заєднїци. Закончел и Дипломатичну академию при Министерстве вонкашнїх дїлох Републики Сербиї и положел правосудни испит.

Член є Союзу войводянских Мадярох.

Коло мацеринского – мадярского язика и сербского, чечно бешедує по анґлийски и нємецки, а служи ше и зоз французким язиком.

Оженєти є.

Сладяна Бурсач, заменїк покраїнского секретара за образованє, предписаня, управу и национални меншини - национални заєднїци

Сладяна Бурсач народзена 1972. року у Крнєшевцох, општина Стара Пазова. Року 1991. закончела Штредню педаґоґийну школу, после хторей у Беоґраду закончела Педаґоґийну академию 1993. року, а званє професора класней настави здобула на Учительским факултету у Зомбору Универзитету у Новим Саду 2004. року. Фахови испит за наставнїка класней настави положела 1996. року. Мастер академски студиї Лидерство у образованю нащивйовала на Факултету педаґоґийних наукох у Яґодини Универзитету у Краґуєвцу. Испит за лиценцу директора школи положела 2020. року.

Сладяна Бурсач здобувала роботне искуство як учителька у ОШ „Милан Хаджич“ у Войки од 1995. року до 2009. року. Року 2009. менована є за окончователя директора новооснованей Основней школи „Симеон Араницки“ у Старей Пазови и директорка тей школи була у трох мандатох, од 2010. до 2022. року.

Под час мандату Сладяни Бурсач на месту директора ОШ „Симеон Араницки“ тота школа оценєна з найвисшу оцену на екстерней евалуациї и, як єдна од дзешец школох чию роботу Министeрство просвити, науки и технолоґийного розвою охарактеровало як вершинску, уключена є до проєкту „3П – Препознай, промовуй и прешир“. Сладяна Бурсач уключела ОШ „Симеон Араницки“ до велького числа проєктох хтори ше занїмаю з розвойом професионалней ориєнтациї и поднїмательства („Професионална ориєнтация“ – ҐИЗ и „Поднїмательни школи“), еколоґию и защиту животного штредку (Проєкт „Мрежи еко-школох“ и „За чистейши и желєнши школи у Войводини“), диґитализацию у просвити („Потримовка розвою людского капиталу и виглєдованя – обще образованє и розвой людского капиталу“, „Мудра школа за мудри дзеци“, „Селфи“, „Диґитализация“), унапредзеньом условийох за розвой спортских активносцох у школох („Спорт до школох“, „Активни школи“, „Стой випросцени – рошнї здраво“, „Карате у настави“, „Здраво рошнїме“), превенцию насилства (УНИЦЕФ-ов проєкт „Школи без насилства“) и професионалним розвойом наставнїкох, сучаснима методичнима приступами и жридлово ориєнтованима курикулумами (проєкти Министерства просвити „Развионица“ и „Унапредзованє квалитету настави – розвой ключних компетенцийох прейґ мултидисциплинарного приступу – Зоз сотруднїцвом до знаня“). Школа, тиж, 2021. року участовавала и у медзинародним виглєдованю читательней писменосци – PIRLS. Участвує у роботи Мрежи потримовки инклузивному образованю.

Бешедує по русийски и анґлийски.

E-mail: sladjana.bursac@vojvodina.gov.rs