Април
Помоцнїца покраїнского секретара за образованє Биляна Кашерич, зоз сотруднїками, нащивела ОШ «Жарко Зренянин» у Маґличу. З тей нагоди, информовала руководство школи о детальох з Правилнїка о покладаню испиту за директора школи, з яким ше реґулує способ покладаня испиту, як и тото же Министерство просвити пририхтує правилнїки з якима ше реґулує питанє школских задруґох и поднїмательства у школох. Тота школа ма винїмково добри, вредни и одлични тим. Даринка Миланович, директорка школи, як проблем школи, визначела нєдостаток дзецох.
У ОШ «Алекса Шантч» у Ґайдобри обєкт пошвидко будзе реконструовани зоз средствох яки достаню од Републики Сербиї. Директорка школи Ядранка Вуканович констатовала же школи нєобходна квалитетна интернет мрежа и нова опрема. Биляна Кашерич, помоцнїца покраїнского секретара за образованє, препомла школи же би провадзела конкурси яки розписує секретарият компетентни за образованє.
ОШ «Ян Амос Коменски» у Кулпину ушорена и добре орґанизована школа. По словох Йованки Зимовей, директорки школи, найвекши проблем то нєдостаток хасновательней дозволи, цо онєможлївює школу же би конкуровала за средства и на покраїнским, републичним алє и на локалним уровню. Помоцнїца покраїнского секретара за образованє Биляна Кашерич предложела руководству школи же би – по ришованю актуалного проблему – шлїдуюцого року апликовали за средства на конкурсох секретарияту за виробок проєктох и санацию санитарних ґузлох, як и за опреманє учальньох.
Обєкт Ґимназиї «Ян Колар зоз домом за школярох» у Бачким Петровцу у одличним стану, а школярски дом винїмково добре опремени и одвитує сучасному змесценю школярох. Директорка Ана Медведь надпомла же ґимназия од шлїдуюцого школского року запровадзи нови информатични напрям и прето єй нєобходни рахункарска опрема и учебнїки на словацким язику. Милинка Хртян, помоцнїца покраїнского секретара за образованє, предложела школи же би провадзела конкурси компетентного секретарияту пре реализацию набавки IT опреми и же би контактовали компетентне министрство и Национални совит словацкей националней меншини за набавку потребних учебнїкох.
Обєкт ОШ «Браца Новаков» у Силбашу у задоволююцим стану, алє нєдостаток простору, односно учальньох, хвильково найвекши проблем. Нєдостаток рахункарскей опреми тиж гамує процес сучасней настави. Директор школи Дьока Милич указал и на потребу вибудови новей физкултурней сали у школи у Деспотовцу. У розгварки, попри нєдостатку простору, директор спомнул и адаптацию иснуюцих учальньох. Помоцнїца покраїнского секретара за образованє Милинка Хртян предложела же би школа вшелїяк провадзела конкурси компетентного секретарияту пре набавку нєобходней IT опреми, а за добудов або адаптацию иснуюцих учальньох же би контактовали Управу за капитални укладаня АП Войводини.
Будинок ОШ «Ян Чаяк» у Бачким Петровцу у задоволююцим стану. Директорка Власта Верлеива делеґацию покраїнского секретарияту за образованє, на чолє зоз помоцнїцу Милинку Хртян, упознала зоз историятом и традицию школи. Тота образовна институция пестує добре сотруднїцтво зоз школами зоз Републики Словацкей. Директорка визначела нєобходносц за набавку новей, сучасней наставней опреми, як и потребу же би ше опремела кухня по ISO стандардох. Помоцнїца упознала присутних з конкурсами секретарияту, суґеруюци руководству школи же би ше прияавйовали на нїх, насампредз пре набавку опреми.
Делеґация Покраїнского секретарияту за образованє, предписаня, управу и национални меншини – национални заєднїци, предводзена зоз помоцнїцу Биляну Кашерич, нащивела ОШ „Моша Пияде” у Иванову. То велька школа з красну атмосферу. По словох директорки Санї Симич Миятович, по закончованю реконструкциї обєкту будинку за оводу и пририхтуюцу предшколску програму, обєкт потребно опремиц. Санация закрица на физкултурней сали єден зоз найвекших проблемох школи. У поглядзе учебнїкох за виборни предмети мадярского и болгарского язика з елементами националней култури, помоцнїца Кашерич совитовала директорки же би ше обрацела ґу спомнутому секретарияту.
ОШ „Вук Стефанович Караджич” у Старчеве велька и барз шорова школа. У обєкту, окрем 551 школяра, єст и 56 дзеци хтори нащивюю предшколске образованє, як и штири ґрупи у хторих вєдно 100 дзеци у цалодньовим пребуваню. По словох директора Саши Тасича, преходзенє на роботу у єдней змени би було барз хасновите пре векшу безпечносц школярох. Тиж, школяре би мали вецей часу за звонканаставни активносци. Школи хибя дефектолоґ и лоґопед. Помоцнїца покраїнского секретара за образованє Биляна Кашерич совитовала директорови же би ше обрацел ґу Министерству просвити и Школскей управи Зренянин у вязи зоз финансованьом спомнутого кадру яки потребни школи.
Будинок ОШ „4. октобер” у Ґлоґоню крашнє ушорени, гоч є барз стари и треба го нєпреривно отримовац. Директор Драґан Янїч гварел же школа дзелї будинок з предшколску установу, та же прето, за потреби школи, треба добудовац обєкт зоз голєм штирома просториями – учальнями. Тиж, нєобходне заменїц столарию, як и вибудовац нову физкултурну салу. Биляна Кашерич, помоцнїца покраїнского секретара за образованє, предочела руководству школи о можлївосци приявйованя на конкурси и проєкти хтори обявює Покраїнски секретарият за образованє, предписаня, управу и национални меншини – национални заєднїци.
Обєкт ОШ „Ґоце Делчев” у Ябуки стари 104 роки, та фасада будинку у барз подлим стану, як и школски двор. По словох директора Милосава Урошевича, окрем санированя влаги, нєобходна и реконструкция столариї. Школи вельки проблем и кабинет за информатику, як и нєдостаток сучасней рахункарскей опреми. Сладяна Йоветич, помоцнїца покраїнского секретара за образованє, предложела же би школа апликовала на конкурси яки розписує Покраїнски секретарият за образованє, предписаня, управу и национални меншини – национални заєднїци. З тей нагоди, вона дала упутства о способе приявйованя на конкурси, як и список шицких розписаних конкурсох секретарияту.
ОШ „Олґа Петров” у Банатским Брестовцу винїмково красна школа, окружена зоз желєнїдлом и красним двором. Идея руководства школи же би направели етно-читалнї. По словох Далиборки Бойкович Брети, директорки школи, найвекши проблем то нєришени маєтково-правни одношеня, цо онєможлївює школу же би конкуровала за средства на покраїнским, републичним, алє и на локалним уровню. Закрице будинку у подлим стану и премака. Тиж, школи потребни рахункари и сучасна опрема. Помоцнїца покраїнского секретара за образованє Сладяна Йоветич предложела руководству школи же би – по ришованю актуалного проблему – у наступних рокох апликовали за средства на конкурсох секретарияту, як и других институцийох.
Подсекретар покраїнского секретара Жолт Сакалаш, зоз сотруднїцу Єлену Йович, у нащиви Основней школи «Миливой Оморац» у Идьошу 18.4.2018. року.
Помоцнїца покраїнского секретара Сладяна Йоветич, зоз сотруднїцу Светлану Смилянич, у нащиви Основней школи «Братство єдинство» у Коцуре 16.4.2018. року.
Помоцнїца покраїнского секретара Сладяна Йоветич, зоз сотруднїцу Светлану Смилянич, у нащиви Основней школи «20. октобер» у Вербаше 16.4.2018. року.
Помоцнїца покраїнского секретара Тияна Павлов, зоз сотруднїцу Соню Стойкович, у нащиви Основней музичней школи у Вербаше 16.4.2018. року.
Помоцнїца покраїнского секретара Тияна Павлов, зоз сотруднїцу Соню Стойкович, у нащиви Основней школи «Бранко Радичевич» у Савиним Селу 16.4.2018. року.
Помоцнїца покраїнского секретара Сладяна Йоветич, зоз сотруднїцу Светлану Смилянич, у нащиви Основней школи «Йован Йованович Змай» у Змаєве 16.4.2018. року.
Помоцнїца покраїнского секретара Тияна Павлов, зоз сотруднїцу Соню Стойкович, у нащиви Основней школи «Вук Караджич» у Бачким Добрим Полю 16.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „Душан Єркович Уча“ у Шимановцох, дня 13.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „Симеон Араницки“ у Старей Пазови, дня 13.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Ґимназиї „Бранко Радичевич“ у Старей Пазови, дня 13.4.2018. року.
Помоцнїца покраїнского секретара Ливиа Корпонаи, зоз сотруднїцу Єлену Криш Пиґер, у нащиви Основней школи „Йожеф Атила“ у Купусини, дня 12.4.2018. року.
Помоцнїца покраїнского секретара Ливиа Корпонаи, зоз сотруднїцу Єлену Криш Пиґер, у нащиви Технїчней школи зоз домом шлолярох у Апатину, дня 12.4.2018. року.
Помоцнїца покраїнского секретара Ливиа Корпонаи, зоз сотруднїцу Єлену Криш Пиґер, у нащиви Основней школи „Киш Ференц“ у Свилоєве, дня 12.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „Жарко Зренянин“ у Зренянину, дня 20.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „22. октобер“ у Жаблю, дня 20.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „Др Бошко Вребалов“ у Меленцох, дня 20.4.2018. року.
Покраїнски секретар Михаль Нїлаш, зоз сотруднїцу Єлену Криш Пиґер, у нащиви Основней школи „Душан Вукасович Диоґен“ у Купинове, дня 13.4.2018. року.