Януар
Уж у першим тижню тей акциї, представителє секретарияту нащивели числени школи и так на самим месце могли спатриц потреби установох, цо и бул першобутни циль.
Перши упечатки о нащивох барз позитивни. Зоз барз сердечним дочеком, представителє шицких школох указали задовольство пре новопорушану акцию.
Шицки нащивени школи поинформовани у вязи з конкурсами Покраїнского секретарияту за образованє, предписаня, управу и национални меншини – национални заєднїци и Канцелариї за управянє з явнима укладанями, прейґ хторих и обезпечена финансийна потримовка образовним установом.
Обєкт ОШ „Дюра Даничич” преславює шлїдуюцого року 60 роки иснованя, алє вон у добрим стану. Директор и педаґоґ тей школи визначели же су задовольни з медзилюдскима одношенями у колективу, як и з одношенями медзи школярами.
Будинок Електротехнїчней школи „Михайло Пупин” добре отримовани, гоч од реновованя прешло аж трицец роки. Требало би заменїц облаки на обєкту. Гоч у школи нєт обезпеченя, система и без того функционує – прейґ дежурстава.
Обєкт ОШ „Никола Тесла” стари, алє є у добрим стану. За векшину потребох хтори наведли заняти у тей школи обезпечени средства од городу, а суґероване им и же би апликовали на конкурси хтори буду розписани того року.
Гоч представителє Транспортней школи „Пинки” надпомли же потребни менши адаптациї на їх обєкту, у нащиви замерковане же будинок, двор и превозкови парк за вожачох „Б” катеґориї у добрим стану.
Будинок ОШ „Жарко Зренянин” вибудовани осемдзешатих рокох прешлого вику. Обєкт школи у добрим стану, крашнє ушорени, полни зоз желєнїдлом и з крашнє украшенима мурами. Учальнї тиж крашнє ушорени и отримовани.
Обєкт Медицинскей школи „7. април” крашнє ушорени, конки шорови и шицко дава упечаток цеплоти и гармоничносци.
Будинок ОШ „Васа Стаїч” моментално у фази реконструкциї и преширйованя. Потребне адаптовац физкултурну салу и ренововац патоси.
Основна школа „Соня Маринкович” з Нового Саду єдна зоз перших школох хтора почала запровадзовац инклузивну наставу. Окрем того, колектив школи ше трудзи стимуловац талантованих школярох и обезпечиц им можлївосц за напредованє – у складзе зоз їх потенциялами. Обєкт школи крашнє ушорени, конки шорови и крашнє омальовани.
Обєкт новосадскей ОШ „Йожеф Атила” крашнє ушорени, конки шорови. У школским дворе, при древох, означени назви файтох дрвевох, цо помага у нєформалней форми образованя. По словох дирекотора Драґана Утржана, шицки у школи ше трудза обезпечиц оптимални условия за роботу. Тиж, вон наводзи же школа участвує у рижних проєктох, алє же би ше вони жадали уключиц и до програми прейґгранїчного сотруднїцвта зоз школами у реґиону (ИПА проєкти).
Польопривредна школа зоз домом школярох зоз Футоґу то єдина школа у Южнобачким округу хтора наменєна лєм за образованє у подручу польопривреди. Обєкт школи барз стари и под защиту є Заводу за защиту памятнїкох култури Городу Нового Саду. Школа ма досц проєкти, хтори порихтани за реализацию. Окрем того, предочена можлївосц за дуалне образованє.
При нащиви кисацкей ОШ „Людовит Штур”, могло ше обачиц же будинок школи стари, алє же є у добрим стану. За векшину школских потребох средства обезпечени од Городу Нового Саду, алє компетентним у школи совитоване же би ше обрацели и ґу нашому секретарияту, пре додатни информациї у вязи зоз предстояцима конкурсами.
На обєкту ОШ „Алекса Шантич” зоз Степановичева пременєни облаки, а обновена и нукашня столария и санитарни ґузли. По словох директорки Светлани Келеман, школа участвує у рижних проєктох (на приклад: За чистейши и желєнши школи у Войводини, Зоз затичку до ошмиху, Порушай свою будучносц у сотруднїцтве зоз АИСЕЦ). Тиж, планую збогациц свою дїялносц зоз поднїмательством.
Директор ОШ „Дьордє Натошевич” зоз Нового Саду представел идеї о преширйованю школи, адаптациї сутерену и ушорйованю закрица, як и о заменьованю видео-надпатрунку хтори нє меняни двацец роки. Вон присутних упознал и з успишно законченима проєктами з якима обезпечени интерактивни табли, нови машини за опреманє кухнї, як и зоз проєктом „Здрава пожива у школских кухньох”. Тиж, директор школи бешедовал и о приводзеню италиянского кухара же би обучел кухарох у школи и о предкладаню же би апликовали за Хасап стандард.
Обєкт школи за окремне основне музичне образованє „Йосип Славенски” з Нового Саду шорови, камерна сцена – гоч мала – ошвицена и крашнє ушорена, з винїмковим концертним клавиром. Школи потребна приступна рампа за инвалидох и лифт. Установи суґероване же би ше обрацела ґу Покраїнскому секретарияту за образованє, предписаня, управу и национални меншини – национални заєднїци, з нагоди актуалних конкурсох.