Винчованка з нагоди дня Мадярох
З нагоди 20. авґуста, дня кед краль державотворец, Святи Иштван преглашени за святителя, найсердечнєйше винчуєм шицким припаднїком мадярскей националней заєднїци у Републики Сербиї и Автономней покраїни Войводини швето мадярскей националней заєднїци.
Скупштина Автономней покраїни Войводини 2018. року принєсла Покраїнску скупштинску одлуку о утвердзованю и шветочним означованю датумох од покраїнскей значносци, зоз хтору 20. авґуст швето мадярскей националней заєднїци – дзень кед краль Святи Иштван, державотворец хтори поставел фундаменти мадярскей державносци, преглашени за святителя – утвердзени як датум од окремней значносци за мадярску националну заєднїцу, а зоз тим и за Автономну покраїну Войводину, як потвердзенє пошвеценей политики мултикултуралносци хтору запровадзую покраїнски орґани.
Означованя шветох националних заєднїцох здогадую на унапряменосц ґу заєднїцтве, змоцнюю чувство припадносци, потверденє су почитованя меншинского идентитету и будую мултинационалну когезию, фундаментовану на взаємним почитованю и розуменю.
У Автономней покраїни Войводини, у злоги и гармониї, виками жию и припаднїки мадярскей заєднїци, дзекуюцу и Покраїнскей влади хтора ше намага обезпечиц защиту и очуванє образованя, традициї, култури и язику националних меншинох у покраїни. Тото указує на повязаносц и исти вредносци хтори дзелїме и треба же би нам було драгоказ и за будучносц, же бизме пестовали заєднїцки европски вредносци и принципи, за добробут шицких наших гражданох.
Мадярска национална заєднїца доприноши очуваню и унапредзованю тих вредносцох и принципох, окреме тоти єй припаднїки хтори активно участвую у очуваню мадярского идентитету у обласци образованя, култури, информованя и службеного хаснованя язика и писма, ґу чому ше будзе – прешвечени сом – намагац и у будучносци.
У тото мено, винчуєм дзень мадярскей националней заєднїци!
Покраїнски секретар,
Роберт Отот