Винчованка з нагоди дня Словакох
З нагоди 10. авґустa, дня на хтори ше отримую Словацки народни шветочносци, шицким припаднїком словацкей националней заєднїци у Републики Сербиї и Автономней покраїни Войводини, найсердечнєйше винчуєм швето од окремней значносци за словацку националну заєднїцу.
Скупштина Автономней покраїни Войводини 2018. року принєсла Покраїнску скупштинску одлуку о утвердзованю и шветочному означованю датума од покраїнскей значносци, зоз хтору 10. авґуст швето словацкей националней меншини – националней заєднїци, дзень на хтори ше отримую Словацки народни шветочносци, утвердзени як датум од окремней значносци за словацку националну заєднїцу, а з тим и за Автономну покраїну Войводину, як потвердзенє пошвеценей политики мултикултуралносци хтору запровадзую шицки покраїнски орґани.
Швета националних заєднїцох у нашей покраїни здогадую на унапряменосц ґу заєднїцтву и припадносци, моцня почитованє меншинского идентитету и будую мултинационалну и мултиконфесионалну гармонию, фундаментовану на взаємним почитованю и розуменю.
Шицким хтори ше активно анґажуєце на очуваню словацкого идентитету, насампредз у обласци образованя, култури, информованя и службеного хаснованя язика и писма, жичим вельо успиху у роботи.
У Автономней покраїни Войводини, у заєднїцтве з другима националнима заєднїцами, припаднїки словацкей националней заєднїци, пестую вредносци интеркултуралносци, соживота, медзисобного почитованя, довирия и порозуменя. Словацки национална заєднїца доприноши очуваню и унапредзеню тих вредносцох, як цо – прешвечени сом – будзе робиц и у будучносци.
У тото мено, винчуєм дзень словацкей националней заєднїци!
Покраїнски секретар,
Роберт Отот