Сообщенє Покраїнского секретарияту за образованє, предписаня, управу и национални меншини – национални заєднїци
На основи вияви директора Ґимназиї у Бечею и записнїку Тиму за кризни ситуациї, обидвох составених 22. мая 2025. року, Покраїнски секретарият за образованє, предписаня, управу и национални меншини – национални заєднїци информовани же того дня, на 10.20 годзин, у учальнї число 4 пришло до паданя часци малтеру зоз повали под час тирваня настави. У просториї ше у тим моменту находзели 25 школяре и єден наставнїк.
На штверих школярох спаднул малтер, а зоз швидку интервенцию Наглей помоци такой им указана помоц на самим месце. Тройо школяре, после препатрунку, пущени дому, док єдна школярка послата на препатрунок до Урґентного центру Нови Сад, у провадзеню оддзелєнского старшини, хтора тиж после препатрунку лїкара пущена дому.
На терену ше моментално находза покраїнски просвитни инспекторе хтори окончую надпатрунок и поднїмаю мири у рамикох своїх компетенцийох.
Спрам обвисценя директора, обєкт школи бул у школярскей блокади од 21. фебруара 2025. по 6. април 2025. року. Дня 7. априла 2025. року одблокироване прижемє будинку, док поверх и далєй у блокади з боку школярох.
ПС за образованє, предписаня, управу и национални меншини – национални заєднїци