Винчованка з нагоди Шветового дня културней рижнородносци за диялоґ и розвой
UNESCO 2001. року прилапел Общу декларацию о културней рижнородносци на основи хторей, за Шветови дзень културней рижнородносци за диялоґ и розвой, преглашени 21. май.
Зоз подписованьом тей декларациї, держави швета припознали културну рижнородносц як єдну заєднїцку вредносц, з цильом же би ше у шицких штредкох и у каждим дружтве почитовало и промововало културну рижнородносц.
Автономна покраїна Войводина подруче дзе ше пестує дух уважованя културней рижнородносци и диялоґу и дзе рижнородносц, толеранция, диялоґ и почитованє рижнородносци творя основни вредносци дружтва, без хторих анї єдна заєднїца нє може обстац анї напредовац.
У такей атмосфери, диялоґ и сотруднїцтво нєобкеруюци и на завидним су уровню и представяю основу за дальши културни и вкупни дружтвени розвой покраїни. Пре тоту причину, покраїнски орґани дошлїдно робя на унапредзеню и защити културней рижнородносци шицких заєднїцох хтори жию у покраїни. То праве доказую и велї активносци покраїнских орґанох хтори през цали рок промововую розвой културней рижнородносци, дружтвеного диялоґу, мултикултуралносци и интеркултуралносци у шицких часцох нашей покраїни.
Свидоми факту же културна рижнородносц и диялоґ представяю основну нїтку дальшого дружтвеного розвою хтори ше снує на соживоце, медзисобним почитованю, порозуменю и прилапйованю, зоз щирим прешвеченьом же и у будучносци предлужиме почитовац и пестовац тоти вредносци, винчуєм шицким Шветови дзень културней рижнородносци за диялоґ и розвой.
Покраїнски секретар,
Роберт Отот