Винчованка з нагоди Медзинародного дня Ромох
У Лондону, 8. априла 1971. року, отримани Перши шветови конґрес Ромох. Исти дзень – осми април – Зєдинєни нациї преглашели за Шветови дзень Ромох. Од теди тирва и орґанизоване институционалне закладанє за злєпшанє животного положеня тей националней заєднїци хторей ше удало зачувац свой єдинствени вецейвиковни културни идентитет и попри факту же часто була виложена ґу дискриминациї и предрозсудками каждей файти.
У швеце и Европи, а так и у мултинационалней и мултиконфесионалней Войводини, положенє Ромох представя єден зоз указательох ступня демократизациї дружтва и жаданей ровноправносци ґу якей ше намагаме. Покраїнска влада – зоз стимулуюцим сотруднїцтвом представительох Ромох, насампредз Националного совиту ромскей националней меншини и гражданских орґанизацийох – препознава потребу же би ше глас ромскей заєднїци чул у витворйованю їх интересох и заклада ше за уключованє Ромох до шицких обласцох дружтва хторе шицки вєдно будуєме.
О вредносцох и значносци Ромох можеме учиц од вельких войводянских писательох Мирослава Антича и Стевана Пешича, хтори Ромох тримали як братох, а їх културу чувствовали як єден зоз сущних елементох войводянского идентитету. Зоз виру же наша моц у заєднїцтве, посилам цалей ромскей националней заєднїци щири винчованки з находи осмого априла – Шветового дня Ромох.
Покраїнски секретар,
Роберт Отот