Винчованка з нагоди Шветового дня културней рижнородносци за диялоґ и розвой
З Общу декларацию о културней рижнородносци, держави припознали културну рижнородносц як заєднїцку вредносц чловечества, прето же би ше помогло державом же би у власних штредкох почитовали и промововали културну рижнородносц. Од 2002. року, за Шветови дзень културней рижнородносци за диялоґ и розвой преглашени 21. май.
Автономна покраїна Войводина подруче на хторим вецей як двацец пейц розлични национални меншини ‒ национални заєднїци виками и каждодньово хасную свойо права и на хторим ше пестує дух почитованя културней розличносци и диялоґу. У такей атмосфери, диялоґ и сотруднїцтво нєзаобиходни и на завидним уровню и представяю базу за дальши културни и вкупни дружтвени розвой покраїни. У тим поглядзе, Покраїнска влада ше дошлїдно и пошвецено занїма з унапредзованьом и защиту културней рижнородносци шицких етнїчних заєднїцох хтори жию у покраїни. Тото доказую и робота и активносци покраїнских орґанох хтори под час цалого року – з явнима конкурсами, явнима оглашками, програмами, проєктами и поволанками – промовую розвой културней рижнородносци, дружтвеного диялоґу, мултикултуралносци и интеркултуралносци покраїни, окреме кед у питаню дзеци.
Свидоми зме факту же културна рижнородносц предусловиє дальшого дружтвеного розвою, хтори ше фундаментує на соживоту, медзисобним почитованю, розуменю и прилапяню, зоз щирим прешвеченьом же и у будучносци предлужиме почитовац и пестовац тоти драгоцини вредносци, винчуєм шицким Шветови дзень културней рижнородносци за диялоґ и розвой.
ПОКРАЇНСКИ СЕКРЕТАР,
Жолт Сакалаш