Сектор за материялно – финансийни роботи
У Секторе за материялно-финансийни роботи (у дальшим тексту Сектор) ше окончує материялно-финансийни роботи за потреби Секретарияту и зоз нїма повязани студийно-аналитични, документацийни и статистично-евиденцийни роботи з обласци предшколского, основного и штреднього образованя и школярского стандарду, з обласци витворйованя защити и унапредзеня людских и меншинских правох, очуваня и пестованя медзинационалней толеранциї як и службеного хаснованя язикох и писмох у Покраїни. У Секторе ше окончує и материялно-финансийни роботи за потреби индиректного хаснователя Секретарияту.
У рамикох Сектору ше вирабя предлоги буджету Секретарияту и рочного финансийного плану Секретарията, як и кварталних планох; вирабя ше документация за реализацию поднятих финансийних обовязкох и периодични и рочни звити о вивершеню финансийного плану Секретарияту. У Секторе ше окончує и роботи з обласци явних набавкох за потреби Секретарияту: составя ше план явних набавкох за чечуци буджетни рок и вирабя периодични и рочни звити Управи за явни набавки.
У рамикох Сектору ше преучує и провадзи стан обєктох и опреми у образовних установох на териториї Покраїни, утвердзує потреби и условия за реализацию оправкох, инвестицийне отримованє и инвестициї у обласцох зоз дїлокругу Секретарияту, односно вирабя ше и реализує плани за чечуце отримованє образовних установох и будуце инвестованє до нїх.
У Секторе за материялно-финансийни роботи, узши нукашнї єдинки тоти: Оддзелєнє за материялно-финансийни роботи за обласц образованя и Оддїл за материялно-финансийни роботи.