Сектор за предписаня
У Секторе за предписаня ше окончує нормативно-правни и студийно-аналитични роботи у вязи з актами за Скупштину АП Войводини и Покраїнску владу у обласцох хтори у дїлокругу Секретарияту, як и актох чийо пририхтованє нє у дїлокругу других орґанох покраїнскей управи; общеправни и административни роботи у поглядзе ушорйованя и видаваня „Службених новинох АПВ“, публикованя дзепоєдних предписаньох на язикох хтори ше службено хаснує у орґанох Автономней Покраїни Войводини (у дальшим тексту: АП Войводина); даванє думаня Скупштини АП Войводини и Покраїнскей влади на акти хтори пририхтую други овласцени предладаче зоз становиска усоглашеносци актох зоз другима предписанями и правну систему и зоз становиска правного нормованя, витворює ше сотруднїцтво з републичнима орґанами, орґанами покраїнскей управи и орґанами єдинкох локалней самоуправи; роботи ришованя по жалбох у управних стварох у обласци експроприяциї нєрухомосцох на териториї АП Войводини; студийно-аналитични роботи даваня согласносци на змист и випатрунок печацох орґанох и правних особох хтори окончую явни овласценя; правни и административни роботи у обласци роботних одношеньох; правни, студийно- аналитични роботи з дїлокругу того сектору.
У Секторе за предписаня формована узша орґанизацийна єдинка:
Оддзелєнє за предписаня и роботи управи у рамикох хторого ше находзи Оддїл за предписаня.
Информациї у вязи з роботу Сектору за предписаня и о предметох експроприяциї можеце достац од Тияни Павлов, помоцнїци покраїнского секретара (канцелария I/64, телефон 021/487-4574).
Информациї у вязи зоз роботу Оддзелєня за предписаня и роботи управи и о „Службених новинох АП Войводини“ можеце достац од Дияни Катона, началнїци того оддзелєня и редакторки Службених новинох (канцелария I/63, телефон: 021/487-4427).
Службени новини АПВ архива
Информациї у вязи зоз роботу Оддзелєня за предписаня и роботи управи можеце достац од Дияни Катона – началнїци оддзелєня (канцелария I/63, телефон: 021/487-4423).
Детальнєйши информациї о роботох зоз шлїдуюцих обласцоx:
• Согласносц на печаци
• Согласносц на хаснованє гербу АП Войводини