media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Двасто дзешец милиони динари за реконструкцию школох и за виробок технїчней документациї

DCS9309.JPG


Нєшка, у Шветочним голу Покраїнскей влади, подписани контракти по двох конкурсох у обласци образованя. И у тим року, як и предходни роки, видвоєни значни средства за инвестицийне отримованє образовно-воспитних обєктох, як и за виробок технїчней документациї.

„Вкупно 180 милиони динари опредзелєли зме за реконструкцию, адаптацию, санацию, инвестицийне и чечуце отримованє обєктох установох основного, штреднього образованя и воспитаня, школярского стандарду и предшколских установох. Окрем того, видвоєли зме и коло трицец милиони динари за виробок технїчней документациї за потреби установох основного и штреднього образованя и воспитаня на териториї АПВ.” – гварел подпредсидатель Покраїнскей влади и покраїнски секретар Жолт Сакалаш.

Средства розпоредзени на шлїдуюци способ. У рамикох першого конкурса, сто двацец єден милион динари – на уровню основного образованя, штерацец милиони – на уровню штреднього образованя, 7,5 милиони – за доми школярох и 11,5 милиони динари – за предшколски установи. У рамикох другого конкурса, за основни школи опредзелєни двацец милиони динари, а за штреднї школи 9,6 милиони динари.

Секретар Сакалаш на концу визначел и тото же потримовка Покраїнскей влади останє дошлїдна, же би предшколци и школяре основних и штреднїх школох у Войводини мали найлєпши можлїви условия за школованє, а хасновательох средствох замодлєл же би роботи реализовали у цо кратшим чаше.

У рамикох тей подїї, помоцнїци покраїнского секретара Милица Вучичевич и Тияна Павлов дали упутства як реализовац контракти и пояшнєли евентуални нєясносци.

24.05.2023

  • DCS9309.JPG
  • DCS9309.JPG
  • DCS9309.JPG
  • DCS9309.JPG
  • DCS9309.JPG
  • DCS9309.JPG
  • DCS9309.JPG
  • DCS9309.JPG