Испит за секретарох установох образованя и воспитаня
Службену евиденцию кандидатох хтори покладали фахови испит за секретарох установох ше водзи у Покраїнским секретарияту на основи члена 26. Правилнїка о покладаню фахового испиту за секретара установи образованя и воспитаня („Службени глашнїк РС”, число 08/2011), а у вязи зоз членом 33. пасус 1. точка 25. и членом 34. пасус 1. точка 29. Закона о утвердзованю компетенцийох Автономней Покраїни Войводини („Службени глашнїк РС”, число 99/2009, 67/2012 – Одлука УС РС число IУз-353/2009) и членом 185. Закона о основох системи образованя и воспитаня („Службени глашнїк РС”, число 88/17, 27/18 и 10/19).
Зоз евиденцию облапени шицки кандидати хтори покладали испит за секретарох установох хтори орґанизовала АП Войводина и вона облапя мено и презвиско кандидата, место и рок народзеня, кеди и на якей високошколскей установи видата диплома, назву установи хтора поднєсла прияву за покладанє фахового испиту и успих на фаховим испиту.
Уверенє ше видава на основи вимаганя хторе треба же би облапяло:
- мено и презвиско кандидата,
- ЄМЧГ,
- назву установи хтора приявела кандидата за покладанє испиту,
- датум покладаня.
Подписане вимаганє мож послац на e-mail, по пошти або особнє придац до писарнїци покраїнских орґанох.
Ґу вимаганю треба доручиц доказ о уплаценей републичней административней такси у суми 640 динари (по тарифних числох 1. и 11. важацей Тарифи републичних административних таксох) на рахунок Буджету Републики Сербиї, число 840-742221843-57, модел 97, поволанка на число 11-223.
Особа хтора одвичательна за водзенє евиденциї:
Мария Сурдучан
тел.: 021/487-45-66
e-mail: marija.surducan@vojvodina.gov.rs