media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Правосудни испит

Службену евиденцию кандидатох хтори положели правосудни испит ше водзи у Покраїнским секретарияту на основи члена 16. Правилнїка о покладаню правосудного испиту („Службени глашнїк РС”, число 14/98, 88/2008 и 108/2012) у вязи зоз членом 77. Закона о утвердзованю компетенцийох Автономней Покраїни Войводини („Службени глашнїк РС”, число 99/2009, 67/2012 – Одлука УС РС число IУз-353/2009).

Зоз евиденцию облапени шицки кандидати хтори положели правосудни испит хтори орґанизовал компетентни орґан АП Войводини од 24.10.1954. року и вона облапя мено и презвиско кандидата, место и рок народзеня, кеди и на яким правним факултету дипломовал, дзе робел у чаше покладаня испиту и общи успих на правосудним испиту.

Окрем увереня о положеним правосудним испиту, Покраїнски секретарият видава увереня кандидатом з местом биваня на териториї АП Войводини хтори жадаю покладац испит пред одборами хтори формовал министер правди. Тото уверенє потвердзує факт же кандидат у остатнїх двох рокох нє покладал правосудни испит хтори орґанизовал Покраїнски секретарият.

Уверенє ше видава на основи вимаганя хторе треба же би облапяло:
- мено и презвиско,
- ЄМЧГ,
- датум дипломованя и факултет,
- место биваня,
- контакт телефон,
- мешац и рок покладаня испиту (лєм у случаю увереня о положеним испиту).

Подписане вимаганє мож послац по пошти або особнє придац до писарнїци покраїнских орґанох.

Ґу вимаганю треба доручиц вивод зоз Матичней кнїжки народзених (або його оверену фотокопию) и доказ о уплаценей републичней административней такси у суми 640 динари (по тарифних числох 1. и 11. важацей Тарифи републичних административних таксох) на рахунок Буджету Републики Сербиї, число 840-742221843-57, поволанка на число 11-223.

Особа хтора одвичательна за водзенє евиденциї:
Иван Бороєв
тел.: 021/487-43-83
e-mail: ivan.borojev@vojvodina.gov.rs

05.02.2020