Винчованка з нагоди школскей слави Святого Сави
Почитовани просвитни роботнїки и школяре,
Дзень Святого Сави ше у школох означує як школска слава и дзень пошвецени образованю, знаню и вредносцом хтори маю тирвацу значносц за розвой и будучносц дружтва. Тот датум представя нагоду визначиц улогу образованя як ключного фактору у формованю стабилней и одвичательней заєднїци.
Подоба и дїло Святого Сави препознате през його историйне доприношенє ушорйованю школства, културного животу и дружтвених институцийох, чий ше уплїв преплєта зоз сучаснима образовнима рамиками.
Означованє Дня Святого Сави дава нагоду окреме визначиц значносц образовних установох як институцийох од явного интересу, хтори маю ключну улогу у здобуваню знаня, розвою способносцох и пририхтованю младих за спокуси яки их обчекую, у штредку цо го прикрашує рижнородносц и заєднїцка одвичательносц за образованє.
Насампредз ше визначує значносц и одвичательносц просвитних роботнїкох у окончованю тей дружтвено важней роботи, як и улога школярох у активней учасци у наставним процесу и школским животу.
Най би Дзень Святого Сави бул стимуланс за дальше унапредзованє образованя, моцнєнє институцийох и сотруднїцтва у рамикох школскей заєднїци, у интересу будуцих ґенерацийох.
Винчуєм вам школску славу!
Покраїнски секретар,
Роберт Отот, с. р.