Винчованка з нагоди швета рускей националней меншини – националней заєднїци
З нагоди 17. януара, дня кед 1751. року почало насельованє руских грекокатолїцких фамелийох на тедишню пустару Вельки Керестур, найсердечнєйше винчуєм шицким припаднїком рускей националней меншини – националней заєднїци Дзень Руснацох.
Скупштина АП Войводини усвоєла 2018. року одлуку же би ше праве тот дзень видвоєл як датум од окремней значносци за руску националну меншину – националну заєднїцу, а з тим и за АП Войводини у цалосци, цо представя потвердзенє политки уважованя и почитованя националних заєднїцох хтору запровадзую шицки покраїнски орґани. Означованє шветох националних заєднїцох здогадує на унапряменосц ґу заєднїцтве, змоцнює чувство припадносци, потвердзує почитованє меншинского идентитету и будує мултинационалну когезию, фундаментовану на взаємним почитованю и розуменю.
у Автономней покраїни Войводини, у злоги и гармониї, виками жию и припаднїки рускей заєднїци, дзекуюци и намаганю Покраїнскей влади же би обезпечела защиту и очуванє образованя, традициї, култури и язику националних меншинох у покраїни. Тото указує на повязаносц и исти вредносци хтори дзелїме и треба же би нам бул драгоказ и за будучносц, пестуюци заєднїцки европски вредносци и принципи, за добробут шицких наших гражданох.
Руска национална заєднїца доприноши очуваню и унапредзованю тих вредносцох и принципох, окреме тоти єй припаднїки хтори активно участвую у очуваню руского идентитету у обласци образованя, култури, информованя и службеного хаснованя язику и писма, цо будзе – прешвечени сом – робиц и у будучносци.
У тото мено, винчуєм дзень рускей националней заєднїци!
Покраїнски секретар,
Роберт Отот