Шветочне додзельованє наградох автором найуспишнєйших роботох подпроєкту “Мултикултурализем на клик”
Нєшка, 23. децембра 2025. року, у будинку Покраїнскей влади, Данко Панич, о.д. помоцнїка покраїнского секретара за национални меншини – национални заєднїци и предсидателька Управного одбору Форуму за едукацию, сотруднїцтво, афирмацию и потримовку гражданскому дружтву др Ида Кабок, шветочно придали награди автором найлєпших роботох подпроєкту «Мултикултурализем на клик» хтори ше реализує у рамикох проєкту «Афирмация мултикултурализма и толеранциї у Войводини».
Покраїнски секретарият за образованє, предписаня, управу и национални меншини – национални заєднїци у сотруднїцтве зоз Форумом за едукацию, сотруднїцтво, афирмацию и потримовку гражданскому дружтву, у рамикох наведзеного проєкту у другей половки 2025. року розписал 4 наградни конкурси за школярох основних школох.
Наградзени 12 авторе найуспишнєйших роботох, односно по три найуспишнєйши роботи на каждим з наведзених конкурсох:
1. Конкурс за вибор подобовей роботи на тему «Винчованка за Дзень толеранциї (16. новембер)»
2. Конкурс за вибор литерарней роботи на тему «Подїя пре хтору сом похопел прецо розуменє важне»
3. Конкурс за вибор подобовей роботи на тему «Винчованка за Дзень людских правох (10. новембер)»
4. Конкурс за вибор стрипу на тему «Пририхтованя за Крачун»
У рамикох наведзених конкурсох млади авторе мали нагоду през свойо роботи виражиц автентичне особне видзенє етнїчней рижнородносци або културних специфичносцох етнїчних заєднїцох у АП Войводини. Заєднїцки циль шицких конкурсних линийох то очувац идентитет националних меншинох – националних заєднїцох у АП Войводини и стимуловац дух медзиетнїчней толеранциї медзи младежу школского возросту.
