Винчованка з нагоди 25. новембра – дня кед 1918. року у Новим Садзе принєшени историйни одлуки на Велькей народней скупштини Сербох, Бунєвцох и других Славянох
Бунєвацка национална заєднїца, хтора виками жиє на простору нєшкайшей Войводини и хтора у сучасним чаше достала моцни институционални рамик, нєшка означує єден зоз своїх найзначнєйших датумох. Праве 25. новембер 1918. року остал глїбоко урезани до историйного паметаня, як момент кед у Новим Садзе отримана Велька народна скупштина хтора поставела фундамент будуцого заєднїцтва народох з того простору.
Бунєвацки народ длуго и дошлїдно будовал свой идентитет, културу и традицию, зохабяюци моцни печац у розличних обласцох дружтвеного живота нашей покраїни. Їх характеристики – як цо то роботносц и госцолюбиве одношенє спрам других и богате етнокултурне нашлїдство – допринєсли же би Бунєвци були єден з ношительох мултикултурного духу Войводини.
Войводина нєшка приклад медзинационалного складу и заєднїцкого живота, у хторей ше розлични култури преплєтаю и медзисобно збогацую, а права националних заєднїцох нє лєм же ше почитує, алє ше их и активно розвива. У предходних рокох зробени значни крочаї у очуваню бунєвацкей автентичносци, язика и културних вредносцох, як и у подполним припознаню и афирмациї Бунєвцох як автохтоней националней заєднїци.
Покраїнска влада и убудуце предлужи потримовац инициятиви и потреби бунєвацкого народу, бо унапредзованє права шицких националних заєднїцох єден з наших тирвацих задаткох и приоритетох.
Зоз жаданьом же би тот дзень бул виполнєни з гордосцу, заєднїцтвом и добру дзеку – винчуєм вам 25. новембер.
Покраїнски секретар,
Роберт Отот