Винчованка з нагоди швета горватскей националней меншини – националней заєднїци
З нагоди 16. октобра, швета горватскей националней меншини – националней заєднїци, на дзень кед народзени бан Єлачич, винчуєм шицким припаднїком горватскей националней заєднїци у Републики Сербиї и Автономней покраїни Войводини тото швето.
Скупштина Автономней покраїни Войводини 2018. року принєсла Покраїнску скупштинску одлуку о утвердзованю и шветочним означованю датуму од покраїнскей значносци, зоз хтору 16. октобер, дзень на хтори народзени бан Єлачич – утвердзени як датум од окремней значносци за горватску националну заєднїцу, а з тим и за Автономну покраїну Войводину, як потвердзенє пошвеценей политики мултикултуралносци яку запровадзую покраїнски орґани.
Означованє шветох националних заєднїцох здогадую на унапряменосц ґу заєднїцтву, змоцнюю чувство припадносци, потвердзенє су почитованя меншинского идентитету и будую мултинационалну когезию, фундаментовану на взаємним почитованю и розуменю.
У Автономней покраїни Войводини, у злоги и гармониї, жию и припаднїки горватскей заєднїци, дзекуюци и намаганю Покраїнскей влади же би обезпечела защиту и очуванє образованя, традициї, култури и язику националних меншинох у покраїни. Тото указує на повязаносц и исти вредносци хтори дзелїме и треба же би нам бул драгоказ и за будучносц, пестуюци заєднїцки европски вредносци и принципи, за добробут шицких наших гражданох.
Горватска национална заєднїца доприноши очуваню и унапредзованю тих вредносцох и принципох, окреме тоти єй припаднїки хтори активно участвую у очуваню горватского идентитету у обласци образованя, култури, информованя и службеного хаснованя язика и писма, цо будзе – прешвечени сом – робиц и у будучносци.
У тото мено, винчуєм дзень горватскей националней заєднїци!
Покраїнски секретар,
Роберт Отот