Винчованка Чарногорскей националней заєднїци
З нагоди 13. юлия, Дня державносци Чарней Гори, хтори ше преславює як памятку на 13. юлий 1878. року, кед Чарна Гора на Берлинским конґресу достала медзинародне припознанє як нєзависна держава и на общенародне повстанє процив фашизма 1941. року посилам найсердечнєйши винчованки Националному совиту чарногорскей националней меншини, институцийом чарногорскей националней заєднїци, як и шицким припаднїком чарногорскей националней меншини хтори жию у Автономней покраїни Войводини и Републики Сербиї.
Покраїнска влада и Покраїнски секретарият за образованє, предписаня, управу и национални меншини – национални заєднїци окремну увагу придаваю пестованю и очуваню язика, култури, традициї и праву на информованє и образованє шицких националних заєднїцох хтори жию на тим подручу, цо потвердзенє истого уважованя шицких гражданох, як и озбильносци политики хтору водзи Покраїнска влада.
У Автономней покраїни Войводини, у заєднїцтве зоз другима националнима заєднїцами, жию и припаднїки чарногорскей националней заєднїци, пестуюци вредносци интеркултуралносци, соживота, медзисобного уважованя, довирия и порозуменя. Чарногорска национална заєднїца значно доприноши ґу очуваню и унапредзеню тих вредносцох, як цо – прешвечени сом – будзе робиц и у будучносци.
У тото мено, винчуєм Дзень державносци Чарней Гори!
Покраїнски секретар,
Роберт Отот