media
РЕПУБЛИКА СРБИЈА
АУТОНОМНА ПОКРАЈИНА ВОЈВОДИНА

Покрајински секретаријат за образовање, прописе, управу и националне мањине – националне заједнице

Верификация установох


Верификация то поступок утвердзованя виполнєносци предписаних условийох у поглядзе простору, опреми, наставних, односно дидактичних средствох, наставного и фахового кадру за окончованє дїялносци образованя и воспитаня.

Члени 91-94. Закона о основох системи образованя и воспитаня («Службени глашнїк РС», число 88/2017, 27/2018 – др. закон, 10/2019, 27/2018 – др. закон, 6/2020 и 129/2021) одредзую чи установа може почац робиц кед ше утвердзи же виполнює условия за снованє и початок роботи и за окончованє дїялносци и кед достанє ришенє о верификациї. Вимаганє за верификацию ше подноши и кед ше у установи окончує статусну пременку, меня шедзиско, односно обєкт, орґанизує роботу у видвоєним оддзелєню, запровадзує нови образовни профил, односно напрям або тип ґимназиї, односно кед основна школа витворює пририхтуюцу предшколску програму або програму образованя одроснутих.

I) За снованє и початок роботи установи у обласци образованя и воспитаня, ґу вимаганю (формулар ЗВ), потребна шлїдуюца документация: Превежнї

II) Кед установа окончую статусну пременку (зоз приключованьом або злучованьом), меня ше шедзиско або обєкт, орґанизує роботу у видвоєним оддзелєню, попри вимаганя (формулар ЗВ), потребне: Превежнї

III) Кед штредня школа уводзи нови образовни профил, односно напрям або тип ґимназиї, односно кед основна школа уводзи витворйованє пририхтуюцей предшколскей програми (ППП) або програми образованя одроснутих (ПОО), попри вимаганя (формулар ЗВ), потребне: Превежнї

Установи хтори основали Република Сербия, автономни покраїни, односно єдинки локалних самоуправох ошлєбодзую ше плаценя такси у складзе зоз членом 18. пасус 1. точка 4) Закона о републичних административних таксох.

Установа зоз шедзиском на териториї АП Войводини подноши вимаганє за верификацию (формулар ЗВ), з потребну документацию, Покраїнскому секретарияту за образованє, предписанє, управу и национални меншини – национални заєднїци у Новим Садзе (у дальшим тексту: Секретарият), особнє, прейґ писарнїци або прейґ пошти – на адресу Булевар Михайла Пупина 16.

По приманю вимаганя, овласцена службена особа утвердує чи вимаганє шорове. Кед вимаганє нєшорове (кед нє облапя потребну документацию), Секретарият посила подношительови вимаганя поволанку за одстраньованє нєдостатку и одредзує термин за доручованє потребней документациї. По утвердзованю шоровосци вимаганя, вимаганє ше посила компетентней просвитней инспекциї за окончованє утвердзуюцого инспекцийного надпатрунку. По доручованю записнїку поступаюцого просвитного инспектора и оцени релевантней документациї, Секретарият приноши одвитуюце ришенє.

О вимаганю за верификацию установи одлучує ше найпознєйше у чаше шейсц мешацох як поднєшене шорове вимаганє.

Консултациї у вязи зоз поступком верификациї, у чаше од 11 до 13 годзин:
1. Лїляна Зелькович и Даниєла Костич (канцелария II/25, число телефона: 021/487-44-01);
е-mail: ljiljana.zeljkovic@vojvodina.gov.rs и danijela.kostic@vojvodina.gov.rs;
2. Биляна Ковачевич (канцелария II/24, число телефона: 021/487-45-03);
е-mail: biljana.kovacevic@vojvodina.gov.rs;
3. Єлена Куюнджич (канцелария II/26, число телефона: 021/487-40-19);
е-mail: jelena.kujundzic@vojvodina.gov.rs.

ПРИЛОГИ:
- ВИМГАНЄ за верификацию Превежнї
- модел елаборату о виполнєносци предписаних условийох Превежнї
- модел вияви о согласносци за снованє роботного одношеня у установи Превежнї
- вяава о согласносци за обезпечованє податкох Превежнї

01.12.2022